ആണിന്റെ മാനം
പെണ്ണിന്റെ നാവിന്റെ തുമ്പിലാണെന്നെന്നും
ആണിന്റെ മാനമതെന്നു നീയോര്ക്കുക
നീ നിശ്ചയിക്കുന്നു സത്യവും മിത്ഥ്യയും
നിന്റെ മഹത്വം നീ അറിയുക അറിയുക
അമ്മയെന്നുള്ളോരു സത്യത്തെ മൂടുവാന്
ഇല്ല കഴിയില്ലൊരിക്കലും ഓര്ക്കുക
സത്യം തിരിച്ചറിയുന്നോരു കാലത്ത്
തൂത്തുനീക്കപ്പെടും ഈയാധിപത്യവും
പെേണ്ണ ശ്രമിക്കുക സത്യത്തെയറിയുവാന്
മിഥ്യയാമാധിപത്യത്തെ ചെറുക്കുവാന്
ആണ്കോയ്മ സൃഷ്ടിച്ചെടുത്തൊരീ മേല്ക്കോയ്മ
വെള്ളക്കുമിളപോല് താത്ക്കാലികം മാത്രം
ഇല്ല ദൈര്ഘ്യമതിനൊട്ടുമേയില്ലെന്ന്
ഏറെ വൈകാതെബോധ്യപ്പെടുമേവര്ക്കും
ഞാനൊരു പെണ്ണെന്ന് ധീരമായ് ചൊല്ലുവാന്
ഉണ്ടഭിമാനമതേറെയെനിക്കിന്ന്
ഇനിയെത്ര ജന്മമുണ്ടെങ്കിലും ഞാനൊരു
പെണ്ണായ് ജനിക്കേണമെന്നു പ്രാര്ത്ഥിക്കുന്നു.........
