Tuesday, December 7, 2010

ദഹിക്കാഞ്ഞിട്ടാ

ദഹിക്കാഞ്ഞിട്ടാ--------------

ചേച്ചിയുടെ മകളുടെ വിവാഹ നിശ്ചയം നിശ്ചയിക്കാനുള്ള തയ്യാറെടുപ്പിലാണ്‌ രണ്ടു കുടുംബത്തിലേയും മുതിര്‍ന്ന ആണുങ്ങള്‍.പതിവിനു വിപരീതമായി ചെക്കന്റെ വീട്ടില്‍ നിന്നും സ്‌ത്രീകളും ഉണ്ടായിരുന്നു.ഉമ്മറക്കോലായില്‍ ചടങ്ങിനിരിക്കാനുള്ള പായ വിരിച്ചു.പതിവുപോലെ മുതിര്‍ന്ന ആണുങ്ങള്‍ രണ്ടു ഭാഗങ്ങളായി അഭിമുഖമായിട്ടിരിക്കുന്നു.ശീലിച്ചതു പോലെ സ്‌ത്രീകളും മറ്റുള്ളവരും ചുറ്റിലും നിന്നു.ഞാനും നില്‌ക്കുന്നവരുടെ കൂട്ടത്തില്‍ മുന്നില്‍തന്നെ സ്ഥാനം പിടിച്ചു.പെട്ടന്ന്‌ ചെക്കന്റെ അച്ഛന്‍ എന്നെ നോക്കികൊണ്ട്‌ പറഞ്ഞു "വരിന്‍ നിങ്ങളും ഇരിക്ക്‌" തുടര്‍ന്ന്‌ ഇരിക്കുന്ന ആണുങ്ങള്‍ ഓരോരുത്തരും സ്‌ത്രീകളെ മാറിമാറി വിളിച്ചു.
സ്‌ത്രീകളുടെ മുഖത്തെ അന്ധാളിപ്പ്‌ കണ്ട്‌ ഞാന്‍ ഇടപെട്ടു.
"വേണ്ട മോഹനേട്ടാ നടക്കട്ടെ................"അവര്‍ ചടങ്ങ്‌ ആരംഭിച്ചു.
ചടങ്ങു കഴിഞ്ഞ്‌ മുറ്റത്തിറങ്ങിയ മോഹനേട്ടന്‍ എന്നോടു ചോദിച്ചു." എന്താ .......... വിനയപോലും ഇരിക്കാഞ്ഞത്‌?"
"ദഹിക്കാഞ്ഞിട്ടാ മോഹനേട്ടാ.............. ഇതുവരെ വിട്ടുനിന്നു ശീലിച്ചവരല്ലേ ഞങ്ങള്‍.കുറുക്കു പോലും തിന്നു തുടങ്ങാത്ത കുഞ്ഞിനു ബിരിയാണി എങ്ങനെ ദഹിക്കാനാ..........എനിക്ക്‌ സന്തോഷമുണ്ട്‌ മോഹനേട്ടാ........ നിങ്ങളുടെ മനസ്സില്‍ ഞങ്ങളും കൂടി വേണംന്ന്‌ തോന്നിയല്ലോ. ഞാന്‍ മറുപടി പറഞ്ഞു

4 comments:

മുകിൽ said...

കുറുക്കു പോലും തിന്നു തുടങ്ങാത്ത കുഞ്ഞിനു ബിരിയാണി എങ്ങനെ ദഹിക്കാനാ..........
sari thanne.

മുകിൽ said...

ennaalum kittunna chance kalayaathe use cheithirunnenkil mattullavarkku oru thudakkamaayene..

yousufpa said...

അതെ, അതാണ്.

shaji.k said...

മോഹനേട്ടന് ഒരു സല്യുട്ട് :)