അനന്തരഫലം
തൃശൂര്‍ ജില്ലാ ആശുപത്രിയുടെ പരിസരത്ത് കാര്‍ പാര്‍ക്കുചെയ്യുമ്പോള്‍ ഒരു പോലീസ് ജീപ്പ് എന്റെടുത്തു നിര്‍ത്തി വിനയാ.... എന്നു വിളിച്ചു.ഞാന്‍ തിരിഞ്ഞുനോക്കി.എന്നെ സംബന്ധിച്ചിടത്തോളം പറഞ്ഞറിയിക്കാനാകാത്ത സന്തോഷം നല്കിയ ഒരു കാഴ്ചയായിരുന്നു അത്. ജീപ്പിന്റെ ഡ്രൈവര്‍ സീറ്റില്‍ ഒരു പോലീസുകാരി.എന്നെ വിളിച്ചത് എന്റെ ബാച്ചില്‍ ട്രെയിനിംഗ് കഴിഞ്ഞ എലിസബത്ത് (അവരിപ്പോള്‍ തൃശ്ശൂര്‍ വനിതാസെല്ലില്‍ സര്‍ക്കിള്‍ ഇന്‍സ്‌പെക്ടറാണ്).വര്‍ഷങ്ങള്‍ക്കു മുമ്പ് ജീപ്പോടിക്കാന്‍ സമ്മതം ചോദിച്ചതിന്റെ പേരില്‍ ഇനി വനിതാപോലീസ് ജീപ്പോടിക്കാഞ്ഞിട്ടാ..... ആളുകള് മനസ്സമാധാനത്തോടെ നടക്കുന്നതില്ലാതാക്കാന്‍..എന്നു തുടങ്ങിയ കമന്റെുകളും, ഓതറൈശേഷന്‍ തരില്ലെന്ന പുരുഷ മേലുദ്യോഗസ്ഥരുടെ ദുര്‍വ്വാശിക്കും മുന്നില്‍ നാണം കെട്ട് നില്‌ക്കേണ്ടി വന്ന എന്റെ പ്രയത്‌നത്തിന്റെ അനന്തരഫലം ......... തിരക്കുപിടിച്ച തൃശ്ശൂര്‍ ടൗണിലും കൊല്ലം ടൗണിലും ഞാനുള്‍പ്പെടെ ചുരുക്കം ചില പോലീസുകാരികള്‍ ഒരാളുടേയും മനസ്സമാധാനം തകര്‍ക്കാതെ കളിയാക്കിയവര്‍ക്കുപോലും പലപ്പോഴും സഹായികളായി അഭിമാനത്തോടെ ഇന്ന് പോലീസ് ജീപ്പ് ഓടിക്കുന്നു.
2 comments:
vinaya on wheel
കൂടുതൽ പേർ കടന്നു വരാൻ വഴിയൊരുങ്ങട്ടെ... അഭിനന്ദനങ്ങൾ വിനയ.
Post a Comment